"Yengil sanoatni moliyaviy qo'llab-quvvatlash jamg'armasi" tomonidan yengil sanoat sohasidagi tadbirkorlik subyektlariga Hukumat qarorida belgilagan quyidagi yo'nalishlarda ko'mak beradi. Standartlashtirish va sertifikatlashning xalqaro tizimlarini joriy etish Yengil sanoat mahsulotlarini xorijiy bozorlarga olib chiqish uchun xalqaro standartlar muhim ahamiyatga ega. Jamg‘arma tomonidan tadbirkorlarga xalqaro standartlar va sertifikatlarni (ISO, OEKO-TEX, GOTS va boshqalar) joriy etish bilan bog‘liq xarajatlar moliyaviy qo‘llab-quvvatlanadi. — Sertifikatlash xizmatlari — Laboratoriya sinovlari — Konsalting va texnik hujjatlarni tayyorlash Bu imtiyoz mahsulotlaringizning raqobatbardoshligini oshiradi va eksport imkoniyatlarini kengaytiradi. Yarmarka va ko‘rgazmalarda ishtirok etish Jamg‘arma yengil sanoat korxonalarining xalqaro va mahalliy yarmarka hamda ko‘rgazmalarda ishtirok etish xarajatlarini qoplaydi. — Stend ijarasi — Ekspozitsiya tayyorlash — Ro‘yxatdan o‘tish to‘lovlari Eksportoldi moliyalashtirish krediti uchun resurs ajratish Jamg‘arma eksportoldi moliyalashtirish krediti uchun tijorat banklariga resurs ajratadi. — Xomashyo xaridi — Ishlab chiqarish — Yetkazib berish Sug‘urta mukofoti xarajatlarini kompensatsiya qilish Jamg‘arma tomonidan eksport shartnomalari bo‘yicha sug‘urta mukofoti xarajatlarining bir qismi kompensatsiya qilinadi. — Tadbirkor moliyaviy xavflardan himoyalanadi — Eksport faoliyati yanada barqaror bo‘ladi Tovar va xizmatlarni xalqaro elektron savdo maydonchalarida joylashtirish Jamg‘arma Amazon, Alibaba, Etsy va boshqa xalqaro elektron savdo platformalarida mahsulotlarni joylashtirish xarajatlarini qo‘llab-quvvatlaydi. — Platformaga joylashtirish — Kontent va katalog tayyorlash — Raqamli reklama Xorijiy davlatlarda savdo uylarini ochish va saqlash Jamg‘arma xorijiy davlatlarda savdo uylarini ochish va saqlash, shuningdek: — Ofis — Savdo va ombor binolari — Ijara xarajatlarini qoplashda yordam beradi. Xorijiy konsalting kompaniyalar va mutaxassislarni jalb qilish Jamg‘arma xorijiy konsalting kompaniyalari va malakali mutaxassislarni jalb qilish bilan bog‘liq xarajatlarni qoplaydi. — Strategiya — Marketing — Eksportni rivojlantirish Xorijdan malakali dizayner va mutaxassislarni jalb qilish Jamg‘arma yengil sanoat korxonalariga xorijdan dizayner, texnolog, marketolog va konstruktorlarni jalb qilish xarajatlarini qoplab beradi. — Dizayn sifati oshadi — Mahsulot zamonaviylashadi Moliyaviy hisobotlarni xalqaro standartlar asosida yuritish Jamg‘arma moliyaviy hisobotlarni xalqaro standartlar (IFRS) asosida yuritishni joriy qilish xarajatlarini qo‘llab-quvvatlaydi. — Konsalting — Hisobotlarni moslashtirish Ishlab chiqarish biznes jarayonlarini avtomatlashtirish Jamg‘arma ishlab chiqarish va boshqaruv jarayonlarini avtomatlashtirish bilan bog‘liq xarajatlarni moliyalashtiradi. — ERP, CRM tizimlari — Xarajatlarni kamaytirish — Samaradorlikni oshirish Brendlarni ro‘yxatdan o‘tkazish va jalb qilish Brend — bu sizning imijingiz. Jamg‘arma mahalliy va xorijiy bozorlarda brendlarni ro‘yxatdan o‘tkazish hamda rivojlantirish xarajatlarini qoplaydi. — Tovar belgisi — Xalqaro himoya Qo'shimcha ma'lumotlar uchun Yengil sanoatni rivojlantirish Agentligi mas‘ul xodimiga murojaat qiling. +998 (71) 203 77 72 (411), (412), (413), (420) Arizani quyidagi havola orqali yuborishingiz mumkin: https://adli.uz/ 🌐 https://gov.uz/oz/adli

Tadbirkorlar uchun yangi imkoniyatlar Yengil sanoat tarmog‘ini tizimli rivojlantirish, mahsulotlarning raqobatbardoshligini oshirish hamda eksport salohiyatini kuchaytirish maqsadida O‘zbekiston Respublikasi Hukumatining tegishli qarori qabul qilindi. Mazkur qaror doirasida Yengil sanoatni moliyaviy qo‘llab-quvvatlash jamg‘armasi orqali yengil sanoat sohasida faoliyat yuritayotgan tadbirkorlik subyektlarini moliyaviy, tashkiliy va institutsional qo‘llab-quvvatlash mexanizmlari joriy etildi. Qarorning asosiy maqsadlari Qaror quyidagi ustuvor yo‘nalishlarga qaratilgan: yengil sanoat korxonalarining barqaror faoliyatini ta’minlash; eksportga yo‘naltirilgan ishlab chiqarishni kengaytirish; xalqaro standart va talablarga mos mahsulotlar ishlab chiqarishni rag‘batlantirish; zamonaviy texnologiyalar va ilg‘or boshqaruv amaliyotlarini joriy etish; kichik va o‘rta biznes subyektlarini qo‘llab-quvvatlash. Qaror doirasida tadbirkorlarga yaratilayotgan imkoniyatlar Jamg‘arma tomonidan yengil sanoat korxonalariga quyidagi yo‘nalishlar bo‘yicha ko‘mak ko‘rsatiladi: xalqaro standartlashtirish va sertifikatlash tizimlarini joriy etish; yarmarka va ko‘rgazmalarda ishtirok etish; eksportoldi moliyalashtirish; sug‘urta mukofoti xarajatlarini qoplash; mahsulotlarni xalqaro elektron savdo maydonchalarida joylashtirish; xorijiy bozorlarda savdo infratuzilmasini tashkil etish; xorijiy konsalting kompaniyalari va mutaxassislarni jalb qilish; ishlab chiqarish jarayonlarini avtomatlashtirish va raqamlashtirish; moliyaviy hisobotlarni xalqaro standartlar asosida yuritish; brendlarni yaratish va ro‘yxatdan o‘tkazish; subsidiya va boshqa moliyaviy qo‘llab-quvvatlash shakllari. Qarorning ahamiyati Mazkur qaror yengil sanoat korxonalarining moliyaviy yukini kamaytirish, ularning eksport bozorlariga chiqishini osonlashtirish hamda mahsulot sifatini yangi bosqichga olib chiqishga xizmat qiladi. Qaror yengil sanoat sohasida faoliyat yuritayotgan tadbirkorlar uchun yangi imkoniyatlar, qulay sharoitlar va aniq moliyaviy mexanizmlarni taqdim etuvchi muhim hujjat hisoblanadi. Arizani quyidagi havola orqali yuborishingiz mumkin: 🔗 https://adli.uz/ Agentlikning rasmiy sayti orqali mazkur qaror matni bilan tanishish mumkin: 🔗 https://api-portal.gov.uz/uploads/363/2026/02/11/f4c03628-cb30-44c3-6750-67d2a17148f1_media_.pdf

2025–2026 yillarda to‘qimachilik sanoati mahsulotlarining eksport ko‘rsatkichlari 2025 yil yakunlariga ko‘ra, O‘zbekiston to‘qimachilik sanoati mahsulotlari eksport hajmi 2,6 mlrd AQSh dollariga yetkazildi. Hisobot yilida mahalliy mahsulotlar 75 ta davlatga eksport qilinib, asosiy savdo hamkorlari sifatida Rossiya, Turkiya, Belarus, Qirg‘iziston, Qozog‘iston, Xitoy, Germaniya hamda Birlashgan Arab Amirliklari qayd etildi. Shuningdek, Jazoir, Angola, Gretsiya va Quvayt davlatlari bozorlariga tayyor to‘qimachilik mahsulotlari, trikotaj mato va gazlama mahsulotlari bilan kirib borishga erishildi. Bundan tashqari, to‘qimachilik mahsulotlarini eksport qiluvchi korxonalar soni 1 409 taga yetkazilib, 502 ta yangi korxona eksport faoliyatiga jalb etildi. Ushbu yangi korxonalar tomonidan jami 203,0 mln dollarlik eksport amalga oshirildi. 2024 yilga nisbatan tayyor to‘qimachilik mahsulotlari eksport hajmining 18,5 foizga o‘sishi ta’minlandi. O‘zbekiston Respublikasi Prezidentining 2026 yil 12 yanvardagi PF-4-son Farmoni (“Mahalliy yengil sanoat korxonalarining xalqaro yetkazib berish zanjirlarida ishtirokini kengaytirish hamda tashqi bozorlarda o‘rnini mustahkamlashga qaratilgan chora-tadbirlar to‘g‘risida”)ga muvofiq, 2026 yilda mahalliy to‘qimachilik mahsulotlari eksportini 4,0 mlrd dollarga, shu jumladan elektron savdo platformalari orqali 700 mln dollarga yetkazish ko‘zda tutilgan. Mazkur ko‘rsatkich eksport hajmining 152 foizga o‘sishini anglatadi.

Joriy yilning 11-fevral kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligida Agentlik direktori o‘rinbosari Ruxullo Zikrillayev Ispaniya Qirolligining “Ayeco” kompaniyasi rahbari Alejandro Pastrana bilan uchrashuv o‘tkazdi. Mazkur uchrashuv O‘zbekiston va Ispaniya o‘rtasida to‘qimachilik sohasidagi hamkorlikni yangi bosqichga olib chiqish, mahalliy ishlab chiqaruvchilarning Yevropa bozoriga kirib borishini kengaytirish hamda eksport salohiyatini oshirish maqsadida tashkil etildi. Uchrashuvda 27 ta mahalliy to‘qimachilik korxonasidan iborat konsorsium shakllantirish, shuningdek Madrid shahrida o‘zbek to‘qimachilik mahsulotlari uchun ulgurji savdo maydoni va showroom ochish bo‘yicha alohida “Yo‘l xaritasi” ishlab chiqish masalalari muhokama qilindi. Tadbirda mahalliy yetakchi eksportyor korxonalar vakillari ishtirok etdi. Shuningdek, Ispaniyaning to‘qimachilik kompaniyalari, distribyutorlar va savdo tarmoqlari vakillari Zoom platformasi orqali onlayn tarzda qatnashdi. Uchrashuv yakunida tomonlar o‘zaro manfaatli hamkorlikni chuqurlashtirish, “Made in Uzbekistan” milliy brendini Yevropa bozorida tizimli ilgari surish hamda uzoq muddatli eksport infratuzilmasini shakllantirish bo‘yicha kelishuvga erishdilar.

2026-yil 5-fevral kuni O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Pokistonning yetakchi kompaniyalaridan biri — Rustam Towel (Pvt) Ltd direktori Waseem Arif Dogar bilan samimiy va samarali uchrashuv o‘tkazdi. Uchrashuv davomida: – mahalliy sanoatni rivojlantirish hamda yuqori sifatli tekstil mahsulotlari ishlab chiqarish imkoniyatlari muhokama qilindi; – O‘zbekiston va Pokiston korxonalari o‘rtasida hamkorlik va investitsiya imkoniyatlarini kengaytirish masalalari ko‘rib chiqildi; – yaqin istiqbolda qo‘shma loyihalarni amalga oshirish va eksport salohiyatini oshirish bo‘yicha aniq chora-tadbirlar belgilandi. Uchrashuv yakunida Agentlik direktori Nozimjon Xolmurodov quyidagilarni ta’kidladi: "Ushbu hamkorlik O‘zbekiston yengil sanoati uchun yangi imkoniyatlar eshigini ochadi va mahalliy ishlab chiqaruvchilarimizning xalqaro bozorga chiqish imkoniyatlarini yanada kengaytiradi."

O‘zbekiston Respublikasi Vazirlar Mahkamasi huzuridagi Yengil sanoatni rivojlantirish agentligi direktori Nozimjon Xolmurodov Pokistonning Uniworth Apparel (Private) Limited kompaniyasi vakili janob Shehrooz Bin Yaqoob bilan uchrashuv o‘tkazdi. Muloqot davomida tomonlar tayyor kiyim-kechak ishlab chiqarish, dizayn va brending, shuningdek eksport yo‘nalishlarida qo‘shma loyihalarni amalga oshirish imkoniyatlarini muhokama qildilar. Uchrashuvda O‘zbekiston yengil sanoatining zamonaviy ishlab chiqarish infratuzilmasi, klaster tizimi hamda xorijiy investorlar uchun yaratilayotgan imtiyozlar haqida batafsil ma’lumot taqdim etildi. Mazkur kompaniya xalqaro brendlar bilan ishlash tajribasiga ega ekanligini ta’kidlab, O‘zbekiston bilan hamkorlikni kengaytirishga qiziqish bildirdi.